Свет

Блумберг: Ердоган сака средба со Трамп во Белата куќа

Ердоган и Трамп пред два дена телефонски разговараа за напорите за ставање крај на војната помеѓу Русија и Украина, како и за стабилизација на ситуацијата во Сирија.

Блумберг: Ердоган сака средба со Трамп во Белата куќа

Претседателот на Турција, Реџеп Тајип Ердоган се обидува да организира средба со американскиот претседател Доналд Трамп кон крајот на април, објави Блумберг, повикувајќи се на неименувани турски извори.

-Ердоган верува дека поблиските односи меѓу Турција и САД се клучни за стабилноста во регионот, особено затоа што Анкара се обидува да игра поголема улога во посредувањето во конфликтите од Украина до Сирија, навредува Блумберг.

Турција и САД имаат голем број несогласувања во врска со сирискиот конфликт и одбранбената соработка. Вашингтон ја поддржува сириската курдска милиција, која Анкара ја смета за терористичка група. Исто така, купувањето на рускиот ракетен систем С-400 од страна на Турција во 2019 година доведе до американски санкции и исклучување на Турција од програмата за борбени авиони Ф-35.

Ердоган и Трамп пред два дена телефонски разговараа за напорите за ставање крај на војната помеѓу Русија и Украина, како и за стабилизација на ситуацијата во Сирија.

Турскиот претседател посочи дека Анкара ги поддржува одлучните и директни иницијативи на американскиот претседател за ставање крај на конфликтот, додавајќи оти  ќе продолжи да се залага за праведен и траен мир.  (МИА)

To top