Водата во Скопје е безбедна за пиење, покажува најновиот неделен извештај на ЈП Водовод и канализација.
Секторот за санитарна контрола во периодот од 26 до 30 јануари 2026 година земал 185 примероци за физичко-хемиска и 185 примероци за микробиолошка анализа на вода за пиење од 41 мерни места во Градот Скопје.
Според добиените резултати од испитувањата, сите примероци одговараат на Правилникот за барања за безбедност и квалитет на водата за пиење. (МИА)