Културното лето на Општина Кисела Вода е во полн ек. Следејќи ја смерницата во изборот на настани да има за секого по нешто, програмата е доста шаренолика.
Утрешниот, саботен ден во кој и официјално Кисела Вода го прославува својот роденден, започнува под насловот СЕМЕЕН. Од 10 часот, во паркот Македонија, веднаш до домот на култура “Билјана Беличанец”, ги покануваме сите дечиња со нивните родители, да дојдат и да уживаат во предвидените содржини. Настанот ќе го отворат “Данса Латина Стефи”, по што следи интерактивна музичко-драмска претстава од популарните “Триангл”.
Ќе има настапи и од децата од градинките и училиштата во општината, а за сето време, ќе се одвиваат семејни спортски активности. Бесплатно ќе биде достапна фото кабина за сите посетители, па ќе можат од настанот да си понесат фотографија за спомен.
Просторот ќе биде опремен со реквизити, трамболини, а за уште повеќе забава се ангажирани кловнови и пантомимичари! Ве покануваме да бидете дел од СЕМЕЈНИОТ ДЕН на роденденот на Општина Кисела Вода.