На 5 октомври (недела), од 08:00 часот, во главниот град ќе се одржи „Скопскиот маратон 2025“, поради што ќе важи посебен режим на сообраќај.
Трките се распоредени на неколку делници низ Скопје: петкилометарската стартува од улица „11 Октомври“ кај Зелен пазар и завршува на плоштад „Македонија“, додека маратонот, полумаратонот и штафетната трка ќе се одвиваат по поширока траса што ги опфаќа улиците „Димитрие Чуповски“, „Митрополит Теодосиј Гологанов“, булеварите „Јане Сандански“, „Крушевска Република“, „3-та Македонска Бригада“ и други.