Вкупно 422 болни и изнемоштени лица и тројца затвореници денеска ќе го остварат своето право да гласаат во вториот круг од локалните избори во Струга и Струшко, информира претседателот на Општинската изборна комисија Минир Жута.
Според него, преземањето на избирачкиот материјал се одвива непречено, по што ќе почне и гласањето на болните и изнемоштени лица во нивните домови.
На територијата на општина Струга граѓаните ќе можат да го остварат своето гласачко право на 101 избирачко место.