Во Владата на Македонија денеска беше потпишан меморандум за соработка со Република Србија. Меморандумот беше потпишан од страна на вицепремиерот и министер за односи меѓу заедниците Иван Стоилковиќ и српската потпретседателка на Владата и министерка за економија Андријана Месаровиќ.
Претходно, вицепремиерот Стоилковиќ и српската министерка за економија Месаровиќ остварија заедничка средба на која беше разговарано за билатералната соработка и за нејзино интензивирање.
Потпишувањето на Меморандумот претходеше на македонско-српскиот бизнис форум којшто се одржува во скопскиот хотел „Александар Палас“, а на кој се присутни над 200 компании и најмалку 300 учесници.
При вчерашната посета на Стоилковиќ и Месаровиќ на компанијата „Пекабеско“ и винаријата „Камник“ беше оценето дека потенцијалот за соработка меѓу двете држави е голем особено во делот на прехранбената индустрија и дека тенденцијата е размената да се зголеми.