Министерот за внатрешни работи Панче Тошковски преку статус на Фејсбук пишува дека денес оствари средба со амбасадорите на Австрија и Хрватска во нашата земја.
„Во рамки на денешните активности остварив две работни средби со странски дипломатски претставници, односно амбасадорот на Република Австрија Н.Е. Мартин Памер и амбасадорката на Република Хрватска Н.Е. Нивес Тигањ.
На средбите разговаравме за функционирањето на техничката Влада и нашата улога како Министерство за внатрешни работи во поглед на спроведување фер и демократски изборен процес.
Во однос на македонските патни исправи двајцата амбасадори истакнаа дека нивните држави имаат разбирање за овој проблем и излегуваат во пресрет на македонските граѓани кои можат непречено да го остваруваат правото на слободно движење во Австрија и Хрватска со старите патни исправи, доколку истите имаат валиден рок, за што од моја страна беше изразена голема благодарност“, стои во неговиот пост на Фејсбук.