Од 24 пациенти повредени во дискотеката „Пулс“ во Кочани, девет ќе бидат испишани од болница. Тие се во стабилна и добра состојба.
Вчера се вратија пет пациенти од надвор од државата. Еден од Атина и четири од Шпанија. Надвор од државата се лекуваат 108 пациенти. Денеска се најавени да се вратат осум пациенти. Двајца од Белгија, двајца од Турција, двајца од Австраија и двајца од Хрватска. Од утре, остануваат 101 пациент на лекување.
-Имаме најави за повеќе пациенти кои следните денови ќе се враќаат, рече миниситерот за здравство, Арбен Таравари.
Тој посочи дека четири пациенти и натаму се во тешка состојба, но подобро, од тоа што биле претходните денови.
-Денеска се малку подобри вестите, тие критични се малку подобро од вчера, но се во релативно тешка здравствена состојба, додаде Таравари.