АМСМ соопшти дека од 05:30 часот на регионалниот пат Зрновци – Пониква поточно на м.в„Белска крстосница“, околу 50 граѓани со 20 возила одржуваат јавен протест кој ќе трае и во наредните неколку денови. Сообраќајот се одвива по една коловозна лента кон Пониква и с.Бели.
Сообраќајот на останатите државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.