Градоначалникот на Ѓорче Петров преку статус на Фејсбук пишува дека денеска бил на средба со штитениците од Центарот за помош на лица со ментален хендикеп „Порака“.
❤️СРЕДБА СО НАШИТЕ ПРИЈАТЕЛИ ОД „ПОРАКА“ ❤️
😊Денеска ги посетивме штитениците од Центарот за помош на лица со ментален хендикеп “Порака”- Неготино со седиште во Волково, за каде обезбедивме пригодни новогодишни пакети со прехрамбени производи.
🤝Не пречекаа многу расположени и насмеани лица, кои што ни го разубавија денот. Навистина задоволство е да се помине утрото со овие лица на кои малку им е потребно за среќа.
🔴Овој центар е многу посветен на својата работа. Ќе работиме заеднички во иднина на повеќе проекти, со акцент на подигнување на свеста за животната средина, менување на навиките за чистотата и едукација за селекција на отпад.
❤️Празниците се можност да подаруваме и да си помагаме. Благодарност до општествено одговорните компании кои ни излегоа во пресрет во однос на донациите кои ги поделивме во центарот, а ние и во иднина ќе бидеме тука за да даваме поддршка на овие луѓе.
😊На нашите пријатели им посакав многу среќа, здравје и да ги исполнат сите цели кои што ги имаат за новата година, стои во неговиот пост на Фејсбук.