Британскиот фонд за стипендии British Scholarship Trust доделува до шест стипендии за кратки студиски престои (од еден до три месеци) за млади истражувачи од Република Северна Македонија на соодветни високообразовни и научни истражувачи институции во Велика Британија за 2024 година.
Стипендијата изнесува 1.000 фунти месечно за универзитети надвор од Лондон и 1.200 фунти месечно за институции во Лондон, за покривање на трошоците за сместување и исхрана. Патните трошоци се на товар на кандидатите.
На веб-страницата на Министерството за образование и наука се наведени условите за конкурирање меѓу кои е и кандидатот да не е постар од 30 години во академската година на студискиот престој.
Во објавата на МОН се наведени и документите потребни за аплицирање. Крајниот рок за поднесување на документите е 1 март 2024.
Министерството на својата веб-страница информира и дека во тек е Конкурс за учество во Фулбрајт студентската програма за академската 2025/2026 година.
Информации во врска со процесот на пријавување и фазите на селекција во оваа заедничка студентска програма на владите на Соединетите Американски Држави и Република Северна Македонија се достапни на линковите: https://mk.usembassy.gov/the-fulbright-scholar-competition-for-the-academic-year-2025-2026-is-now-open/ и https://mk.usembassy.gov/the-fulbright-student-competition-for-the-2025-2026-academic-year-is-now-open/