Собранието денеска треба да ја одржи 133-та седница, на која ќе се поставуваат пратенички прашања.
Ваква пленарна седница вообичаено се одржува секој последен четврток во месецот, но овој месец ќе се одржи во петок поради одржувањето на 30. Министерски состанок на ОБСЕ во Скопје.
Ова е претпоследна седница за поставување пратенички прашања, а последната за 2023 година е планирана за 28 декември.
Согласно практиката, први прашања на премиерот и министрите им поставуваат пратеници од опозицијата.