Раде Трајковски Штекли се приближува кон кубанскиот лидер Фидел Кастро, кој е светски синоним за човек врз кој се извршени најголем број неуспешни обиди за атентат.
Според кубанската тајна служба, Кастро од 1959-та има преживеано 683 обиди за атентат. Трамп во предизборието преживеа два, нашиот Штекли веќе три.
Лидерот на кубанската револуција Фидел Кастро (85) влезе во Гинисовата книга на рекорди како мета на 683 обиди за убиство, беше објавено во Куба.
Историскиот лидер на кубанската револуција Фидел Кастро е човек кој се обиделе најголем број пати да го убојат, според она што е наведено во Гинисовата книга на рекорди и во архивата на американската Централна разузнавачка агенција (CIA), главниот нарачател на овие обиди за убиство – пренел сајтот Cubadebate.
На сајтот се вели дека до 2006 година кога поради болест го предал управувањето со земјата на својот брат Раул, имал 638 пати обиди за убиство, а “речиси сите биле нарачани од CIA”.
-Мотодите кои се користени за да го убијат се различни, но сите пропаднале – снајперисти, експлозив во неговите чевли, отров вбризган во цигара, до мали експлозивни направи во бејзбол топка, помеѓу другото – наведено е на сајтот.
Раде Трајковски Штекли е повреденото лице по експлозија за бомба која денеска се случи во скопска Ќерамидница, јавуваат дел од медиумите. Ова е трет начин за обид за негова ликвидација, првите два беа пукање.
Од полицијата претходно информираа дека утрово во 09.20 ч. во дворно место во населба Керамидница во Скопје била фрлена експлозивна направа.
-Од експлозијата со повреди се здобил Р.Т., кој е пренесен во ГОБ „Св. Наум Охридски“ за укажување на помош. Се преземаат мерки за расчистување на случајот, велат од МВР.
Пред болницата забележано е зголемено полициско присуство.
Кон Штекли пред неколку месеци за краток период во трговиот центар Ист Гејт беа изведени два обиди за ликвидација.