Управниот одбор на Националната агенција за европски образовни програми и мобилност отпочна постапка за избор на директор на институцијата.
Во објавениот оглас, кој го споделува Министерството за образование и наука, наведени се условите што треба да ги исполнуваат кандидатите и критериумите за аплицирање, потребните документи, начинот на пријавување.
Рокот за поднесување на апликациите е најдоцна 31 декември 2025 , до 12 часот, на адреса на Национална агенција за eвропски образовни програми и мобилност.
Како што е наведено во огласот, по селекцијата на пријавите, кандидатите кои имаат уредна документација ќе бидат повикани на интервју во просториите на Агенцијата. Изборот ќе се изврши во рок од 45, 90 или 120 дена во зависност од бројот на пристигнати апликации.