СДСМ повторно ја потврди својата стара болест „плагијатот“. Истата партија што во 2008 година без трошка срам украде лого од фабрика за банани за коалицијата „Сонце“, денес се обидува да продава „Нова сила“ со туѓа стрелка и копирана симболика.
Од банани до стрелки, методот е ист. Нема креација, нема визија, има само copy-paste политика. Кога нема идеи, СДСМ не создава, таа краде. Кога нема поддршка, црта стрелки и глуми раст.
Ова не е нов почеток, туку стар плагијат во ново пакување. Фолирантски обид да се прикрие фактот дека партијата тоне во безидејност, кадровска празнина и политички очај.
СДСМ со години функционира како политичка фотокопирница. Плагира логоа, плагира пораки, плагира надежи.
Единствено што не може да го плагира е довербата на граѓаните, затоа што таа одамна ја изгубија.
Нова сила нема. Има само стара навика: плагијат, глума и бегање од реалноста.
