Прв работен ден на Талат Џафери како технички премиер и веднаш го реализираше својот прв проект, паркирање на службениот мерцедес на плоштадот за да пие кафе во ресторан. Среќа не е искомплексиран Џафери, до толку, инаку со владиниот авион ќе одеше на работа, велат од ВМРО-ДПМНЕ.
„Автократот од Форино треба да знае дека функцијата која ја врши е одговорна и бара сериозност, а не чаламење и инфантилно однесување. Илјадници граѓани секој ден зависат од политиките на владата, од мерките и проектите.
Разбираме дека ниту Ковачевски, ниту некој од СДС ќе се осуди да го искритикува Талат Џафери, затоа што сега молат за заеднички листи, ама сепак во име на интересите на граѓаните нека го посоветуваат да се приземји и да си го одработи достоинствено мандатот до изборите.
Филмот со пури, пијалаци, службени автомобили, обезбедување, затворање на пешачки зони и слично, говори за карактерот на Џафери, кој можеби го попримил од ликовите од подземјето со кои се дружел“ – се наведува во партиското соопштение.
-Ако по утрото денот се познава, мафијашки стил на мандат планира Талат да гура. Тоа е уште еден доказ дека никогаш не било полошо во Македонија, отколку сега со СДС и ДУИ. Затоа важно е да ги поразиме, велат од ВМРО-ДПМНЕ.