Во Скопје променливо облачно, во вечерните часови и во текот на ноќта со врнежи од дожд. Ќе дува слаб до умерен, попладне во делови од котлината повремено засилен ветер југоисточен правец. Минималната температура ќе се спушти до 3, а максималната ќе достигне 16 степени.
Според УХМР, утре врнежите на планините ќе бидат од снег и ќе се формира нова снежна покривка, а во текот на денот врнежите од дожд ќе преминат во снег и во некои од повисоките места. Дневната температура во вторник ќе биде во опаѓање. В среда времето ќе биде променливо облачно со локален дожд, а в четврток повторно ќе има врнежи од дожд кои наместа ќе бидат пообилни со пороен карактер.