Дополнителниот заменик министер за земјоделство, шумарство и водостопанство Цветан Трипуновски при денешната посета на Охридскиот регион одржа изјава се медиуми каде што одговори и на новинарски прашања.
На поставеното новинарско прашање „Господине Трипуновски кој е вашиот коментар за изјавата на министерот Николовски дека истокот и оризопроизводството константно се развива и дека македонското земјоделство функционира одлично?“ Трипуновски одговори: „Го гледам министерот Николовски во овој предизборен период иако ги преспа овие 2500 дена како власт се растрчал низ Македонија, помеѓу оризопроизводителите ветува дека оризот ќе бил стратешка култура, иако во име на вистината мораме да потенцираме дека пратеничката група на ВМРО-ДПМНЕ и комисијата за економски прашања го усвои овој предлог закон, односно закон за стокови резерви да и оризот влезе во стратешка култура. Тоа што власта имаше рок од седум години да го направи, не го направи.“
Трипуновски исто така го потенцираше и големиот проблем во Кочанскиот регион со снабдувањето со вода затоа што системите се оставени на милост и немилост, не се инвестира во нивното одржување со што се доведува во прашање и оризопроизводството.
Статистиката којашто е во негативен тренд го демаскира министерот во неговите лаги, а тоа е дека во 2016 година сме имале над 5000 хектари коишто биле под оризови полиња, а во 2022 согласно последните податоци оваа површина паѓа на 3000 хектари, разликата е огромна и 2000 хектари помалку под ориз. Тоа е затоа што власта изминативе години не покажа ниту сенс ниту грижа да го задржи оваа битна стратешка култура. – дополни Трипуновски.
Во прилог ви го доставуваме целосниот видео материја од одговорот на новинарско прашање на Цветан Трипуновски.