Филипче одработува за планот на Заев, кој на поранешен бугарски премиер предаде стик со материјали и шема за преземање на две големи фирми, рече на денешната прес-конференција пратеникот Бране Петрушевски.
Венко Филипче цела кампања ја помина во градење позиции за планот на Заев кој треба да заврши со нови отстапки на Македонија доколку СДС добие некогаш можност да ја води државата и со преземање на две големи фирми во Македонија, од страна на фирми блиски до поранешен бугарски премиер. Планот на Заев, кој го спроведува Филипче е за целосно виткање на државата, а за тоа би помогнал фактот што една од двете фирми е голема телевизија со национална фреквенција. Филипче дословно го тера планот на Заев, и праќа сигнали кон Бугарија дека е спремен да доработи, истакна Петрушевски.
Разликата е во тоа што и Филипче и Заев се прочитани, а со тоа се и во паника дека ништо нема да можат да изреализираат затоа што на овие избори ќе доживеат огромен дебакл, со што народот ќе им каже што мисли за нивните бугарски шеми, додава Петрушевски.