Стево Пендаровски, кој денеска го заврши петгодишниот претседателски мандат се огласи на социјалните мрежи.
-Благодарност до сите граѓани за укажаната доверба и на сите соработници со кои заеднички работевме во изминатите пет години, објави Пендаровски на социјалните мрежи.
Во Вила Водно, Пендаровски денеска и ја предаде претседателската функција на Гордана Силјановска Давкова која победи на изборите одржани на 8 мај.
На официјалната церемонија со највисоки државни и воени почести денеска Силјановска Давкова ја презеде функцијата Претседател.
По официјалната церемонија на примопредавање, Силјановска Давкова и Пендаровски остварија тет-а-тет средба.