Министерот за надворешни работи и надворешна трговија Тимчо Муцунски, кој престојува во неколкудневна работна посета на Швајцарија, синоќа во Женева имаше средба со претставници на македонската дијаспора.
– Посебна чест ми беше, на првиот ден од работната посета на Женева, заедно со бројната македонска дијаспора, да го одбележиме Денот на независноста – 8 Септември. Во обраќањето го нагласив значењето на македонската дијаспора како мост помеѓу двете земји – поттикнувач на поблиски културни и економски врски, но и како чувар на идентитетот и вредностите на нашата земја. Изразив благодарност за сите иницијативи, проекти и активности што произлегуваат од македонската заедница во Швајцарија и ја потврдив решеноста на Владата, институционално и преку конкретни мерки, да ја унапреди врската со Македонците ширум светот, објави Муцунски на Фејсбук.
🇲🇰 Посебна чест ми беше, на првиот ден од работната посета на Женева, заедно со бројната македонска дијаспора, да го…
Posted by Timco Mucunski on Wednesday, September 3, 2025
Шефот на дипломатијата за време на пестојот во Швајцарија, ќе учествува и ќе се обрати на Самитот на млади лидери, во организација на Светскиот економски форум, што се одржува во Женева.
Муцунски треба да го отвори Почесниот конзулат на Република Северна Македонија во Женева, а предвидени се и билатерални средби со генералниот директор на Светската трговска организација, со заменикот висок комесар за човекови права, со директорот на Женевскиот центар за безбедносни политики, како и со специјалниот известувач за малцински прашања при Советот за човекови права на Обединетите Нации.