Македонија ВМРО-ДПМНЕ

Марков: Клиниката за дерматологија во време на СДС давала приватни услуги на пациенти и наплаќала надомест незаконски, ЈО да отвори постапка

ЈО да постапи по Извештајот на ДЗР и да ги истражи овие наоди. ЈО да отвори постапка и да утврди како се наплаќани парите, колку се наплаќало и дали дел завршувале и во приватни џебови, изјави Марков.

Марков: Клиниката за дерматологија во време на СДС давала приватни услуги на пациенти и наплаќала надомест незаконски, ЈО да отвори постапка

Раководството од СДС на Клиниката за дерматологија наплаќало услуги од пациенти без да поднесе извештај до Министерството за здравство, изјави Петар Марков, пратеник на ВМРО-ДПМНЕ.

„Имено, Клиниката за дерматологија има право да дава услуги на пациенти кои плаќаат со лични средства и странци во делот на козметологија за што е потребно на секои шест месеци да доставува Извештај до Министерството за обемот и видот на извршените здравствени услуги.

Дополнително за да извршува таков тип на работа, Клиниката морала да има согласност од Министерството за здравство, која што ја немало.

Ова е констатација на Извештајот на Државниот завод за ревизија изготвен во 2024 година, за периодот од 2023.

ДЗР констатира дека Клиниката морала да има одобрен ценовник од Министерството за здравство, на база на кој ќе дава и наплаќа услуги, а го немала, со тоа, дадените услуги платени од парите на граѓаните ги наплаќала незаконски“, потенцтира Марков во изјавата.

ЈО да постапи по Извештајот на ДЗР и да ги истражи овие наоди. ЈО да отвори постапка и да утврди како се наплаќани парите, колку се наплаќало и дали дел завршувале и во приватни џебови, изјави Марков.

Најнови вести од Македонија

To top