Појава на магла и намалена видливост до 40 метри има на патниот правец село Лисец – Попова Шапка, информира ЈП „Македонијапат“.
Сообраќајот на државните патишта се одвива непречено, по претежно суви коловози. На одредени патни правци кои поминуваат низ усеци и клисури можна е појава на поситни одрони.
ЈП „Македонијапат“ апелира на внимателно управување со возилата, почитување на поставената сообраќајна сигнализација и прилагодување на брзината спрема условите на патот. Додаваат дека нивните дежурни екипи се постојано на терен и ги одржуваат сите патни правци проодни.