Претставници на Коалицијата „Вреди“ одржаа прес-конференција пред објектот кој се гради за нов театар и библиотека, за кое градење вчера беше покренато обвинителско обвинение.
Од коалицијата „Вреди“ сметаат дека претходната власт не се воздржувала, како што посочија, од крадење во библиотека и театар.
-Тука сме за да го потврдиме нашиот ангажман за подобра и поправедна иднина за сите граѓани. Секој чекор што го преземаме има за цел да ви го врати достоинството, правдата и надежта. Коалицијата „Вреди“ е со вас, заедно да градиме општество каде што отчетноста и транспарентноста ќе триумфираат над корупцијата и злоупотребата. Затоа, денес, почитувани граѓани, ја споделуваме нашата загриженост што уште еднаш не бевме изненадени, туку згрозени кога дознавме дека претходната власт се покажа дека не се воздржала ни од крадење во библиотека и театар, рече Љуље Ќазими Амети.
Таа посочи дека Обвинителството за гонење на организиран криминал подигнале обвинение за кражба од 13,5 милиони евра при изградба на Театарот и Библиотеката во Тетово.
– Документите се манипулирани, процедурите прекршени, а службените должности злоупотребени од безмилосните крадци на претходната власт. Таа власт има име-партијата нон грата ДУИ. Ова е уште еден доказ за нивната ненаситност! Казната што ја добија на изборите беше заслужена, а правдата што доаѓа ќе ја направи уште поважна! Речиси секој ден сме навикнати да слушаме вести дека државниот буџет е оштетен за толку и толку милиони евра, дека се злоупотребени уште повеќе, и така натаму. Тоа беа принципите според кои функционираше претходната власт, рече Љуље Ќазими Амети
Во името на коалицијата, таа рече дека „Вреди“ гарантира борба против криминалот и корупцијата без никакви компромиси.
-Нивниот крај ќе биде уште потажен. Албанската култура и библиотеките ќе се градат без кражби, ќе се збогатуваат со дела и наслови што ќе ги збогатат умот и културниот живот на нашите граѓани. Крадците што ги украдоа парите сега се соочуваат со две опции: или ќе побегнат надвор од земјата како што им е обичај, или ќе се соочат со правдата тука и ќе завршат таму каде што им е местото – зад решетки. Крадците зад решетки, а граѓаните ќе бидат победници. Крадците ќе останат без достоинство, а граѓаните ќе си го вратат достоинството што им беше одземено од лошото владеење, посочи Љуље Ќазими Амети на прес конференција.