Осумнаесет годишниот Јован Костадинов од Виница кој спаси 21 живот од пожарот во дискотеката „Пулс“ во Кочани стана национален херој покажувајќи ја својата пожртвуваност.
Тој вчера беше во посета на манастирот Св. Јован Бигорски, а од Православно секојдневие споделија и фотографија.
-Националниот херој беше во нашето светилиште за духовна поткрепа. Срдечна средба имаше со нашиот Старец епископ Антаниски г. Партениј од кого доби и благослов. Со прегратки беше дочекан и од нашето монашко братство, информираат од таму.
-Јован не е само херој на Кочани. Тој е херој на целата наша држава Македонија. Симбол на тоа што значи да се стави човечноста над стравот. Потсетник за сите нас колку многу може да направи едно дете со големо срце, велат во објавата на фејсбук.