Ѓорѓиевски на дружба со доктори од Клинички центар: Ќе ја регулираме состојбата со паркирањето

Кандидат за градоначалник на Скопје од ВМРО-ДПМНЕ, Орце Ѓорѓиевски денеска се сретна со докторите од Клинички центар Мајка Тереза во Скопје.

-Денес имав чест да се сретнам и да испијам пријателско кафе со нашите вистински херои – докторите од Клиничкиот центар во Скопје, директорите и професорите од Медицинскиот факултет. Разговаравме искрено за предизвиците со кои секојдневно се соочуваат, но и за тоа како градот Скопје може да им помогне. истакана Ѓорѓиевски.

Тој потенцира дека еден од најголемите проблеми што го истакнаа е паркирањето во околината на Клиничкиот центар, проблем кој одамна бара решение.

-Веднаш по преземањето на функцијата градоначалник на Скопје, ќе постапиме конкретно: ќе ја регулираме состојбата со паркирањето, хортикултурно ќе го уредиме дворот на Клиничкиот центар и ќе изградиме потпорен ѕид кај Детската клиника, објави Ѓорѓиевски.

Ви благодарам на поддршката и довербата! Заедно ќе изградиме достоинствено, современо и хумано Скопје, град со кој сите ќе се гордееме!, наведува во објавата Ѓорѓиевски.