Изминативе денови поминаа 100 дена Влада. Од една страна, властите се испофалија што се направија, од друга страна, опозицијата критикува. За најкрупните проекти, партијата од власта, ВМРО-ДПМНЕ објави неколку билборди низ градот со цел да претстави на граѓаните што има направено. Претседателот на СДСМ, Венко Филипче вели дека не му е јасно зошто се трошат буџетски пари за билборди за објавување на своите политики.
-Излегоа дури и на билборди, и не ми е јасно зошто има потреба да се трошат буџетски пари за да ги објавуваат своите политики, но таму има невистини. Таму има грешки. Дека враќаат долгови во Фондот за здравство не е точно. Редовно од централниот буџет се пополнува буџетот на здравствените институции за да ги пополнат недостатокот на пари во својот буџет. Нашата влада го остави буџетот од Фондот за здравство од 1 милијарда денари, изјави Филипче.
Владеачката партија, излезе со соопштение дека тој има најмалку право да зборува за трошење на буџетски пари, бидејќи како што знаеме, има големи сомненија дека додека беше министер за здравство, парите од провизиите за вакцини ги нема.
-Филипче и СДСМ оставија пустош во буџетот, нивните функционери си мислеа дека државниот буџет е нивни сопствен паричник, па парите си ги трошеа на сопствени потреби. ВМРО-ДПМНЕ со ребалансот на буџетот, обезбедува пензии за пензионерите, пари за неисплатени плати, вработување на млади специјализанти, електрични уреди за секој студент и уште многу други проекти, потенцираа од ВМРО-ДПМНЕ.
Граѓаните ги гледаат промените во овие 100 дена, а тоа може да се забележи на анкетите каде што доколку утре има избори, ВМРО-ДПМНЕ би имала 45% од гласовите, а опозициската СДСМ само 11%.