На ден 23-ти септември 2025 година (вторник), во 12 часот во НУ Музеј на Република Македонија ќе биде отворена изложбата „Меморијали од Првата Светска војна во фондовите и збирките на Архивот на Југославија“ на Архивот на Југославија и Републичкиот завод за заштита на спомениците на културата од Република Србија.
Изложбата ќе ја отворат проф.д-р Наташа Котлар-Трајкова, директор на Државниот архив, д-р Милан Терзиќ, директор на Архивот на Југославија и д-р Ненад Лајбеншпергер од Републичкиот завод за заштита на спомениците на културата од Република Србија.
Во рамки на настанот ќе бидат промовирани изданија од д-р Живко Аврамовски (1926-2020), историчар од Институтот за современа историја од Белград, роден во с.Непроштено, општина Теарце.
Обемниот научен опус на професорот Живко Аврамовски опфаќа повеќе монографии, студии, зборници на документи и преку сто научни трудови.