Успешните енергетски политики на СДСМ даваат резултати, се вели во партиското соопштение на владејачката СДСМ.
Во изминатите две години имаме најголемо инвестирање и најмногу обновливи извори на енергија кои што произведуваат електрична енергија. До 2016 година во време на владата на ДПМНЕ имало само 16 мегавати инсталирани обновливи извори на енергија. Само во изминатите две години во мандатот на СДСМ се исталирани 600 мегавати обновливи извори на енергија, кои може да снабдуваат околу 170 илјади домаќинства со струја. Одговорните енергетски политики на СДСМ, спроведувањето на енергетската транзиција доведоа до стабилност на цената на електричната енергија и враќање на евтината дневна тарифа на струјата за граѓаните, истакнуваат од СДСМ.
СДСМ продолжува со спроведување на енергетската транзиција и инвестиции во енергетиката, за ефикасен и одржлив енергетски сектор, додаваат од СДСМ.