Египетскиот претседател Абдел-Фатах ал-Сиси денеска го повтори цврстиот став на неговата земја против раселувањето на Палестинците од соседниот Појас Газа додека Израел се подготвува за претстојната воена операција во Рафа.
Каиро е загрижен дека планираното израелско навлегување во пограничниот град Рафа, последното преостанато упориште на Хамас во Газа, ќе предизвика масовен егзодус на египетскиот Синајски Полуостров.
„Египет усвои јасен став уште од првата минута (од војната) целосно отфрлајќи ја присилната миграција на Палестинците од нивните територии на Синај или на кое било друго место со цел да се зачува палестинската кауза од ликвидација и да се заштити националната безбедност на Египет“, рече Сиси во телевизиско обраќање.