Со натпреварот меѓу македонската и француската репрезентација вечер во 18 часот ќе биде отворено 16. Европско првенство во ракомет за мажи.
Натпреварот ќе се игра на стадионот „Меркур Шпил-Арена“ во Дизелдорф. Најавени се повеќе од 50 илјади гледачи, најмногу досега на еден ракометен натпревар.
-Сите сме шокирани, ова ќе биде историски натпревар. Преубава е атмосфера и покрај тоа што арената е празна, едвај чекаме да ја видиме и полна. Сè е супер и едвај чекаме да започне натпреварот со Франција, изјави Кизиќ.
ЕХФ објави кратко видео во кое се гледа забрзано како еден фудбалски терен се претвора во ракометен, со дополнителни трибини.