Ракометарите на Вардар 1961 славеа во пријателскиот натпревар против градскиот ривал Бутел со 33-21.
„Црвено-црните“ ја оправдаа фаворитската улога, па забележаа прв триумф под тренерска палка на Иван Чупиќ. Вардарци и покрај доста изменетиот состав го надиграа Бутел и стигнаа до висок триумф на пријателската средба.
Следните предизвици на вардарци ќе бидат настапот на турнирот во Охрид, а потоа на 3 септември следува Супер Купот.
Од друга страна, Бутел ќе настапи на Струшкиот турнир, а таму ќе се судри со Тиквеш и Раднички Крагуевац.