Во првиот меч како в.д. тренер, Звонко Шундовски забележа огромна победа за E.Пелистер.
Тимот прв го порази големиот ривал Вардар 1961 оваа сезона (28-23) во меч во кој „зелените“ имаа целосна контрола и одлична игра, податоци кои го радуваат директорот кој е во улога на привремен предводник.
„Екипата се развиваше многу добро на овој дерби-меч, во првите 15 минути имавме седум промашени зицери, а резултатот беше тука. Квалитетот нивен и карактерот излезе на високо ниво. Многу сум задоволен како директор и како в.д тренер што видов позитивна реакција во еден тежок момент за клубот.
Одигравме многу агресивна и добра средба, едно дерби во кое дојдовме до важна победа. Честитки за сите“, изјави Шундовски.