Ракометниот клуб Вардар 1961 ги пушти во продажба билетите за дербито со Алкалоид кое на 2 април ќе биде одиграно во СЦ „Јане Сандански“ во Скопје.
Тоа е меч од првото плејоф коло во Суперлигата, меч кој е значаен за двете екипи, па домаќините сакаат максимална поддршка и полна арена за да се дојде до што подобар резултат и токму поради тоа се одредени пристапни цени на билетите од 100 и 200 денари во зависност од местата.
Од Вардар се надеваат на масивна посетеност и од друга причина затоа што целиот приход од продажбата на билети ќе биде наменет за поддршка на настраданите во Кочани.