Ракометарките на Норвешка доминираа во финалето на женскиот олимписки ракометен турнир со триумф 29-21 (15-13) за трето злато на ЛОИ, и истовремено станаа најтрофејна женска репрезентација која има освоено вкупно осум медали досега.
Тренерот Торир Хергеирсон исто така стана најтрофејниот тренер во ракометот со 16. освоен медал .
Најефикасни во шампионскиот состав беа Хени Рајстад со осум голови, Кари Дале додаде шест, а се приклучи и Стине Офтедал со уште пет гола, додека кај Франција прво име беше Орлане Канор со пет погодоци.