Магдебурф вторпат го совлада Динамо Букурешт (35-29) и со победа во двомечот од десет разлика се пласира во четвртфиналето на Лигата на шампионите.
Германскиот колектив и покрај победата во првиот меч одигра одлично прво полувреме, во кое имаше двоцифрено водство. Дури во продолжението Магдебург се опушти и ривалот ја намали разликата.
Омар Инги Магнусон со осум реализации беше најдобар стрелец, а кај гостите се истакна Вујовиќ со шест.
Пресврт во вториот натпревар направи Нант и го елиминира тимот на Висла Плоцк со победа од 29-24.
Со по шест гола најефикасни беа Абди од Нант, како и Мичалович од Висла. Натпреварот одлично го водеа македонските судии Митревски и Тодоровски.