Чупиќ: Како да го потценивме Мелсунген, ама бодовите се пишуваат!

По натпреварот со Мелсунген на прес-конференцијата се обрати вардаровиот тренер Иван Чупиќ. Тој не го криеше задоволството од одиграното.

„Благодарен сум на Мелсунген за фер и коректниот натпревар. Покажаа сите во салата дека имаат навистина одличен тим со одличен тренер и систем, иако не беа најсилни. Од прв до последен момент сакаа да се докажуваат, а тоа е многу важно. Проблемот на мојот тим беше малку потценување во првиот дел. Не дека Мелсунген не заслужи да одигра така, ама Вардар не беше на посакуваното ниво за Лигата на Европа. Сепак, во продолжението покажавме дека имаме поголема ротација, имавме добар голман и се собравме во одбраната, па тоа не донесе до победата. Нема зошто да сум незадоволен по победата на мојот тим. Моите играчи не беа „тристотини на час“, како што мора кога играш за Вардар во оваа сала. Сепак, двата бода се тука, се приближивме до нашата цел“, изјави Чупиќ.