Германското обвинителство официјално поднело обвинение за три лица, кои беа претходно беа уапсени поради уценување, односно обид за изнудување пари од фамилијата на Михаел Шумахер.
Формула 1 легендата има здравствени проблеми по падот за време на скијање пред неколку години, а лицата кои се уапсени се заканувале дека ќе објават негови фотографии на интернет мрежата.
Татко и син од германскиот град Вупертал дека барале 15 милиони евра за да не ги објават спорните фотографии, а до нив дошле преку поранешен член на обезбедувањето на фамилијата Шумахер.
Токму изворот на податоците е третиот кој ќе одговара во овој случај, а криминалната група преговарала со сопругата на Михаел, Корина Шумахер, на која од анонимен мејл и биле праќани фотографии и снимки за да се увери дека не се работи за блеф.
Првообвинетиот, 50-годишниот Јилмаз Т. може да помине најлошо, бидејќи му се заканува 15-годишна затворска казна, додека неговиот син е пуштен да се брани од слобода и ќе одговара за поинакво дело.