Британскиот боксер и поранешен светски првак во тешка категорија Ентони Џошуа е повреден во сообраќајна несреќа во која загинаа две лица во нигериската сојузна држава Огун, соопшти денеска локалната полиција.
Триесетишестгодишниот Џошуа минал со полесни повреди кога неговиот автомобил се судрил со друго возило, соопшти полициската команда на државата Огун.
Полицијата ги истражува причините за несреќата.
𝐏𝐇𝐎𝐓𝐎𝐒: : 𝐀𝐧𝐭𝐡𝐨𝐧𝐲 𝐉𝐨𝐬𝐡𝐮𝐚 𝐢𝐧 𝐫𝐨𝐚𝐝 𝐜𝐫𝐚𝐬𝐡, 𝐭𝐰𝐨 𝐝𝐢𝐞
World-renowned boxer Anthony Joshua was involved in a road accident today in Makun, Ogun State. pic.twitter.com/sV0YGFWQaq
— Zagazola (@ZagazOlaMakama) December 29, 2025
На социјалните мрежи се појавија фотографии и видеа од Џошуа како седи без маица на задното седиште, на кое се гледаат остатоци од скршено стакло.
Според локалните медиуми, Џошуа бил на задното седиште од возилото кога се судрило со паркиран камион.
Џошуа води семејно потекло од градот Сагаму во сојузната држава Огун, во југозападна Нигерија.