Италијанската скијачка Федерика Брињоне математички го обезбеди Кристалниот глобус. На овој начин Италијанката по втор пат во кариерата победи во Светскиот куп.
Но, ова е историска титула, бидејќи таа ја освои на 34-годишна возраст, со што стана најстарата победничка во конечниот пласман во Светскиот куп.
Таа веќе стана најстарата скијачка која победила во спуст, супер-Џи и велеслалом оваа сезона.
Со овој расплет Брињоне ја обезбеди титулата и во спуст, а може да ја освои титулата во супер-Џи, но и во велеслалом.