Македонскиот репрезентативец игра во неверојатна форма и блеска со настапите во Русија.
Нено постигна половина од поените на неговиот тим и си загарантира место во идеалната петорка на ВТБ лигата, седми пат од стартот на сезоната.
Со оваа победа, Уникс го осигура првото место во регуларниот дел од сезоната и на најважните мечеви ќе ја има предноста од домашен терен, нешто што може да биде клучно во битките за титулата.
Во идеалната петорка во ВТБ лигата се најде и соиграчот на Димитријевиќ, Џајстон Рејнолдс, како и Антон Глазунов, Владислав Трушкин и Томас Етел.