Во моментов шест играчи на ЕП имаат по три погодоци, а единствените двајца кои се во финалето, односно имаат најголеми шанси за ова признание се Дани Олмо и Хари Кејн.
Имено, кога имаше изедначување по бројот на голови на претходните шампионите, се гледаше бројот на асистенции, а потоа и бројот на одиграни минути. Овде Олмо има предност пред сите бидејќи има две асистенции, Гакпо и Микаутадзе имаат по една, додека Кејн, Мусиала и Шранц немаат ниту една.
Сега УЕФА ги промени правилата. Доколку има повеќе фудбалери на првото место по голови, сите ќе ја поделат наградата, што значи дека, ако ниту Олмо ниту Кејн не постигнат гол во финалето, титулата најдобар стрелец на турнирот ќе ја понесат шест фудбалери што ќе биде прв пат во историјата на европските првенства.