Екипата на Шкендија се најде во најновиот билтен на УЕФА, во кој забележани се имињата на екипите кои добија санкции во евро-куповите и во квалификациските натпревари во сите натпреварувања под капата на „европската куќа на фудбалот“.
Заради навивачите, тетовчани ќе платат казна од 1.500 евра во касата на УЕФА. Причината е користењето на пиротехника во гостинскиот сектор. Исто така казна за пиротехника има и за навивачите на Дрита, клубот ќе мора да плати 3.750 евра.
Натпреварот меѓу Дрита и Шкендија заврши со резултат 1-0 за домашната екипа. Претходно, УЕФА ја казни Шкендија со 20.000 евра исто така заради пиротехника и за политички пораки на меч во Скопје.