Селекторот на шпанската фудбалска репрезентација, Луис де ла Фуенте, доби нов договор од федерацијата и ќе остане на кормилото на „фуријата“ до 2026 година, што значи дека најверојатно ќе го предводи тимот и на следниот Мундијал.
Стратегот е на чело на националниот тим од 2022 година и оттогаш успеа да забележи одлични резултати. Триумфираше во „А“ сегментот од Лигата на нации, а воедно избори и пласман на Европското првенство во Германија.