Вест на денот од Англија и Премиер лигата е новиот договор на Мохамед Салах со Ливерпул, договор според кој ќе остане на „Енфилд Роуд“ најмалку до 2027 година.
Ова е пресврт кога е во прашање ситуацијата со африканецот кој во еден период од оваа сезона изјавуваше дека нема никакви контакти за продолжување на соработката и дека едноставно е на излезни врати од клубот, меѓутоа по се изгледа работите се променија во претходниве недели и се пронајде заеднички јазик според кој Мо може да закружи цела деценија како член на англискиот великан.
-Многу сум возбуден. Сега имаме одличен тим. И претходно имавме одличен тим. Потпишав затоа што мислам дека имаме шанса да освојуваме трофеи и да уживаме во мојот фудбал. Одлично е, тука ги поминав моите најдобри години. Играв осум години, се надевам дека ќе бидат десет.
-Уживам во мојот живот овде, уживам во мојот фудбал. Ги имав најдобрите години во кариерата. Би сакал да им кажам на [фановите], многу сум среќен што сум овде. Потпишав овде затоа што верувам дека можеме заедно да освоиме многу големи трофеи. Продолжете да не поддржувате и ние ќе го дадеме најдоброто од себе и се надевам дека во иднина ќе освојуваме повеќе трофеи, -истакна Мо објаснувајќи ја својата одлука за потписот на двегодишниот договор.