ПСЖ планира да испрати последна понуда за нов договор на Килијан Мбапе, пренесува „Diario Sport“.
Парижаните ќе му понудат на 24-годишниот Французин да го продолжи договорот до 2025 година. Можно е договорот да вклучува опција за откуп по значително намалена цена следното лето.
Актуелниот договор на Мбапе со ПСЖ е до 2024 година. Така, доколку ситуацијата не се промени, веќе во зима тој ќе може слободно да преговара со други клубови. Пред почетокот на сезоната, раководството на клубот накратко го суспендираше напаѓачот поради неговото одбивање да потпише нов договор.
Оваа сезона Мбапе одигра девет натпревари во сите натпреварувања и постигна осум гола.