Во завршниот натпревар од 20 коло во Првата македонска фудбалска лига (ПМФЛ), Шкендија попладнево во Тетово го совлада Пелистер со 2-1.
Актуелниот шампион до триумфот дојде со пресврт предводен од двојниот стрелец Бесарт Ибраими. Капитенот на Шкендија беше прецизен во 21 и 64 минута, откако претходно Стефан Спировски во 7 минута му донесе водство на гостинот од Битола.
Со денешниот триумф, второпласираната Шкендија сега заостанува четири бодови зад лидерот Вардар пред нивната меѓусебна пресметка закажана за в четврток на ФФМ комплексот „Петар Милошевски“ во Скопје, во рамки на 21 прволигашко коло.
Табела: Вардар 52, Шкендија 48, Струга 43, Силекс 38, Арсими 26, АП Брера 26, Башкими 26, Тиквеш 24, Македонија ЃП 20, Пелистер 20, Работнички 13, Шкупи 1.