Дисциплинската комисија при Фудбалската федерација на Македонија на денешната седница ги разгледуваше проблематиките од викенд натпреварите.
Како што беше очекувано, се отвора дисциплинска постапка против фудбалскиот клуб Шкендија.
Причината е пропусти во организацијата и напад на официјалните лица на натпреварот.
„Се поведува дисциплинска постапка против Шкендија за натпреварот од 20. коло помеѓу Шкендија и Пелистер, поради слаба организација. Во текот на натпреварот од страна на домашната публика биле фрлани метални пари, запалки и пластични шишиња на теренот. Четвртиот судија бил погоден со запалка и метални пари, а кон него бил фрлен и скалпер, кој паднал во негова близина.
По завршувањето на натпреварот, кога судиската четворка се упатила кон соблекувалните, повторно биле фрлани предмети кон нив. Исто така, неслужбено лице влегло на теренот и вербално ги нападнало судиите. Откако судиската четворка влегла во службените простории, истото лице ги следело, навредувало и се обидело физички да се пресмета со нив“, стои во соопштението.
Освен тоа, одредени се и казните и суспензиите за натпреварите од изминатиот викенд.
Во ПМФЛ забрана за вршење на функција добија тренери од стручните штабови на Македонија Ѓорч е Петров Струга Трим Љум односно Баже Илијоски и Дејан Лескаровски.