Навивачите на Риека на национална основа го навредувале македонскиот репрезентативец, Аријан Адеми.
Според информациите на медиумите во Хрватска додека минувал низ микс-зоната, навивачи на гостинскиот тим фрлиле стол кон кон капитенот на Динамо, а потоа го пцуеле. Заедно со Адеми биле сопругата и синот.
„По завршувањето на обврските во микс зоната, Адеми минуваше под трибината со сопругата и синот, набргу го забележаа навивачите на Риека и почнаа да го навредуваат на национална основа, а потоа фрлија стол кон Адеми и неговото семејство“, објави порталот „gol.hr“.
Полицијата ја смири ситуацијата, а Адеми и неговото семејство имаа среќа што минаа без повреди, се наведува и во текстот.
Аријан Адеми (32) е легенда на Динамо Загреб. Во Динамо дојде од родниот Шибеник во 2010 година и остана 13 години, потоа се пресели во Кина (Пекинг Гуан), но по шест месеци се врати во Динамо. Тој игра како дефанзивен играч за врска, освои дури 12 титули во хрватското првенство и одигра дури 380 натпревари за Динамо.