Елиф Елмас вчера го компетираше трансферот во редовите на Лајпциг, а Наполи преку специјално видео се збогуваше од македонскиот репрезентативец кој пет години ги бранеше боите на овој клуб и даде значаен придонес во освојувањето на скудетото ланската сезона.
Во видео-компилацијата може да се видат дел од најубавите голови на Елмас во дресот на Наполи, со порака од клубот: Фала ти за емоциите што ни ги подари. Сега те очекуван нов предизвик, а ние секогаш ќе бидеме тука и ќе навиваме за тебе. Чао, Елиф.
Елмас на 2 јануари ќе ги стартува подготовките со новиот клуб, каде се очекува да има далеку поголема минутажа од онаа што ја добиваше сезонава во Наполи.